Ինչպե՞ս եփել համեղ պելմեններ

Սիրով Ձեզ եմ ներկայացնում պելմեններ եփելու մեր տարբերակը․

Իրականում պելմեններ եփելը մեզնից չի խլում շատ ժամանակ և շատ հեշտ է։ Ընդամենը պետք է կատարել մի քանի պարզ քայլ🙂

Քայլ 1՝ Կաթսայի մեջ լցնում ենք սառը ջուր և դնում կրակին։ Ջուրը պետք է եռացնել․

Կարևոր է հիշել, որ ջուրը պետք է լցնել այնքան որ ծածկի պելմենները, կամ մոտավոր 250գ պելմենների համար 750մլ-ից մինչև 1լ։ Ջուրը կարող է շատ լինել, իսկ քչի դեպում պելմենները կկորցնեն իրենց համեղ տեսքը։

Քայլ 2՝ Այն բանից հետո, երբ ջուրը սկսում է եռալ, ջրին ավելացնում ենք աղ։ Ցանկալի է 1լ ջրին ավելացնել 1 թեյի գդալ աղ կամ ըստ ճաշակի։ Կարող եք նաև ավելացնել հատիկավոր սև պղպեղ և մի երկու լավրովի տերև։

Քայլ 3՝ Այժմ ջրի մեջ ենք լցնում պելմենները, ցանկալի է հատ-հատ։ Սպասում ենք, որ ջուրը նորից եռա։ Անհրաժեշտ է ժամանակ առ ժամանակ խառնել պելմեննը, որ իրար չկպչեն։

Քայլ 4՝ Եռալուց հետո պելմենները հայտնվելու են ջրի երեսին։ Այնուհետև կրակը մի փոքր թուլացնում ենք և սպասում 7-10 րոպե մինչև վերջնական եփվելը։

Եփվելուց հետո դատարկում ենք ջուրը, կամ եթե սիրում ենք ջրալի պելմեններ կարող եք չդատարկել և մատուցել ջրով՝ վրան ավելացնելով մի փոքր սամիթ։

Օրինակ՝ մենք սիրում ենք ջրալի տարբերակը 🙂

Ըստ ճաշակի պելմենների հետ մատուցել թթվասեր և աղացած սև պղպեղ։

Շնորհակալություն ընթերցանության համար, Ձեզ բարի ախորժակ։ 🙂✌🏼

Մենք օգտագործում ենք միայն թարմ եվ տեղական մսամթերք

Open chat